قصيدة شربل بعيني في حفل تكريم الدكتوره بهية ابو حمد
02.Jun.2015
Rate this item
(0 votes)

اللبنانية للأخبار ( سدني - اوستراليا )

يا سيّدنا اسمحلي اليوم
هنّي بالشعر الحلوين
متلك ما بيتلاقى دوم
سيّد.. رافع اسم الدين
بولس صليبا.. يا قوم
كفّو أخضر متل المرج
وع شفافو كلمة: آمين
وقلبو أبيض متل التلج
اسألوا الأرزه العا صنين
*********
ع طول.. بشوفا.. ع طول
حبقه.. وشو حلوه الحبقه
بتمشي.. بتسوسح العقول
علم.. مزيّن بالخلقه
إسما بهيه.. ومعقول
الحبقه.. تحمل دكتوره
وما تعلّق خرزه زرقا؟
*********
بَقدملِـك باقات زهور
وشمعه مضويه بقداس
يا دكتوره بركي النور
بيضوّي بْعتمات الناس
بهيه واسمك مذكور
بِقصايد كلا إحساس
بهنيكي.. وقلبي مقهور
وين البي الربى البنت
يغنجها ويْبُوس الراس
*******
 
وينو بيّك.. هالـ حليم
يشوف البنت البهيه
مشيت ع الدرب السليم
أستاذه.. ومحاميه
ودكتوره.. وألله كريم
تحمل وسام الأرزات
وتزلغط أحلى الإمات
للبنت الصغبينيه
 
*********
مش رح ناديكي بإسمك
وإسمك صفّى غنيّه
بنقّي إسمك ع كسمك
بسميكي يا بهيّه:
أرزتنا اللبنانيه
 
 
اللبنانية للأخبار 

 

 

 

Read 490 times Last modified on Tuesday, 02 June 2015 20:33